Kapuso actors, umamin na may crush kay Maine Mendoza
Published On: September 24, 2015, 01:51 PM
Updated On: February 27, 2020, 04:30 PM
By BEA RODRIGUEZ
Naku Alden! Mag-ingat ka, merong gustong mang-agaw kay Yaya Dub sa ‘yo!
Vocal ang Buena Familia star na si Julian Trono sa kanyang paghanga kay Maine Mendoza a.k.a Yaya Dub sa social media kaya inusisa siya ng Unang Hirit kaninang umaga. Inamin niyang, “Crush ko si Yaya! Sabi ko [sa Twitter], ‘Yaya ang ganda mo po.’ Sana makakuwentuhan ko siya.”
Ipinaliwanag niya rin sa morning show kung bakit natipuhan niya ang dalaga, “Kasi feeling ko there’s more than [that] meets the eye, parang there’s a lot behind those smiles. Sobrang interesting niyang tao.”
Gandang-ganda rin ang The Half Sisters actor na si Juancho Trivino sa reyna ng Eat Bulaga kalye-serye, “Maine is very pretty at saka Alden is doing a good job. I’m very happy for them [kasi] nakikita noong mga tao ang chemistry nila.”
Ang Pepito Manaloto star naman na si Jake Vargas ay tila curious sa Dubsmash Queen. Inilarawan niya ang kalahati ng trending love team na AlDub kahit hindi niya pa ito nakikilala sa personal, “Si Maine feeling ko [ay] tahimik, parang ganoon siya eh tapos kapag umaarte, talagang todo bigay at saka sa tingin ko mabait [siya].”
Aminado rin ang Juan Tamad star na si Sef Cadayona na isa siya sa mga fans ng tambalan. Aniya, “Kaya tayong lahat [ay] na-hook kasi bihira ‘yung mga joke time na malinis. Dito kasi sa AlDub, ang linis niya at saka ‘yung kilig ni Maine [ay] natural kasi.”
Looking forward din siya na makatrabaho ang phenomenal love team. Saad niya sa panayam ng GMANetwork.com, “Maganda ‘yun! Juan Tamad meets Yaya Dub and Alden pogi at saka si Lola Nidora!”