Hindi napigilan nina Bianca Umali, Faith Da Silva, Kelvin Miranda, at Angel Guardian na maging emosyonal sa kanilang pagsasama-sama bilang bagong henerasyon ng mga Sang'gre.
Sa video na ibinahagi ng Encantadia Chronicles: Sang'gre, naging emosyunal ang apat matapos subukan sa unang pagkakataon ang sabay-sabay na paglabas ng kanilang mga brilyante.
Pangangalagaan ni Bianca ang Brilyante ng Lupa, habang ang magmamana naman ng Brilyante ng Apoy ay si Faith, Brilyante ng Tubig si Kelvin, at Brilyante ng Hangin si Angel.
Ngayon pa lamang ay nagsisimula na ang paghahanda nina Bianca, Faith, Kelvin, at Angel para sa Sang'gre. Pinag-aaralan na rin nila ang lenggwaheng Enchan ng Encantadia.
Ang Sang'gre ay continuation ng iconic telefantasya ng GMA na Encantadia.
Tingnan ang pagsama-sama ng bagong henerasyon ng mga Sang'gre na sina Bianca Umali, Faith Da Silva, Kelvin Miranda, at Angel Guardian sa gallery na ito:
Ipinakilala na ang bagong henerasyon ng mga Sang'gre na sina Bianca Umali, Faith Da Silva, Kelvin Miranda, at Angel Guardian.
Kitang-kita ang closeness at saya nina Faith Da Silva, Angel Guardian, Bianca Umali, at Kelvin Miranda sa kanilang pagsasama-sama bilang mga bagong Sang'gre.
Una nang ipinakilala si Bianca Umali bilang isa sa mga bagong Sang'gre noong October 23.
Sa Sang'gre, makikilala si Bianca Umali bilang Terra, ang bagong tagapangalaga ng Brilyante ng Lupa. Si Terra ang nawawalang anak ni Sang'gre Danaya na lumaki at namuhay sa mundo ng mga tao.
Bago pa man makuha ang role sa Sang'gre, nag-audition si Faith Da Silva noong 2016 para sa Encantadia.
Sa Sang'gre, gaganap si Faith Da Silva bilang Flamarra, ang bagong tagapangalaga ng Brilyante ng Apoy.
Hindi napigilang maging emosyonal ni Kelvin Miranda sa big break na ibinigay sa kanya na mapabilang sa bagong henerasyon ng mga Sang'gre.
Sa Sang'gre, mapapanood si Kevin bilang Adamus, ang bagong tagapangalaga ng Brilyante ng Tubig. Si Adamus ay anak ni Alena at ang nag-iisang lalaki sa hanay ng mga bagong Sang'gre.
Gaganap si Angel Guardian bilang Sang'gre Deia, ang bagong tagapangalaga ng Brilyante ng Hangin.
Ang pangalan ng karakter ni Angel Guardian na si Deia ay mula sa pangalan ng anak na babae ni Iza Calzado na si Deia Amihan.