Kylie Padilla, Julie Anne San Jose at iba pang Kapuso stars, tampok sa anniversary concert series ni Gloc 9
Published On: October 07, 2015, 02:37 PM
Updated On: April 03, 2020, 03:49 AM
By AL KENDRICK NOGUERA
Ipagdiriwang ng rapper na si Gloc 9 ang kanyang 18th anniversary sa music industry sa pamamagitan ng concert series na pinamagatang 'Gloc 9: Ang Kuwento ng Makata.' Gaganapin ito sa Music Museum sa October 10, 17, 24 at 31.
Maraming celebrities ang makakasama sa stage ni Gloc 9 bilang guests at kabilang dito ang Kapuso stars na sina Regine Velasquez, Julie Anne San Jose, Jonalyn Viray, Jennylyn Mercado, Rochelle Pangilinan, Aiza Seguerra, Marc Abaya at Kylie Padilla.
Sa isang Instagram post ng Buena Familia star, ibinahagi niya na hanggang ngayon ay hindi pa rin siya makapaniwala na makakasama niya sa isang performance ang sikat na rapper.
"So this just happened and will happen on October 10 @ Music Museum. To share a stage with Gloc 9. Damn. Somebody slap me back into reality. Astig," post ni Kylie.