Francine Garcia at Trixie Maristela, magkakaharap sa 'Miss International Queen' sa Pattaya, Thailand
Published On: October 07, 2015, 05:07 PM
Updated On: February 19, 2020, 03:48 PM
By FELIX ILAYA
Dahil sa mga swimsuit-ready bodies, nag-gagandahang gowns, at very witty answers, hindi katakataka kung bakit maraming pageants na napapalanunan ang mga 'Super Sireyna' winners na sina Francine Garcia and Trixie Maristela.
Kakahirang lang kay Trixie bilang 'Ms. Gay Manila 2015' habang 1st runner up naman si Francine.
Ayon sa ulat ni Cata Tibayan, sa November, muling maghaharap ang dalawa sa Miss International Queen 2015 na gaganapin sa Pattaya City, Thailand.
Matatandaan na nagwagi si Kevin Balot sa patimpalak na ito noong taong 2012.
Ayon kay Francine "I always see to it that I compete with myself so that I could give better. Good luck sa atin and may the best girl win."
Maraming paghahanda ang ginagawa ng dalawa upang masungkit ang korona.
Nagbigay si Trixie ng ilan sa kaniyang preparations "Siyempre nagdi-diet, inom ng pills, gym, exercise, yon!"
"One meal a day, one full tank meal," ayan naman ang pabirong payo ni Francine.
Nais isulong ng dalawa ang kani-kanilang advocacies, halimbawa na lang ang libro ni Trixie na "He's Dating a Transgender" kung saan binabahagi ng boyfriend niya na si Art Sta. Ana ang mga struggles na kinaharap nila bilang couple.
Gusto naman ni Francine na ma-inspire ang mga kabataan na kagaya niya.
Aniya "Magbigay ng inspiration sa trans-youth, na you should never stop dreaming and achieving your dreams."