Puno ng saya ang Linggo ng Kapuso fans dahil nakasama at nasilayan nila ang Sparkle stars sa naganap na Sparkle Grand Fans Day 2023 nitong Linggo (December 10) sa SM North EDSA Skydome.
Present dito sina Asia's Multimedia Star Alden Richards, Kapuso Primetime Princess Barbie Forteza, Kapuso Action Drama Prince Ruru Madrid, Sang'gre star Bianca Umali, Sang'gre actor Kelvin Miranda, The Missing Husband star Jak Roberto, at marami pang iba.
Nagpasaya ang Sparkle artists sa kanilang mga tagasuporta sa pamamagitan ng kanilang song at dance performances. Sa katunayan, ilang lucky fans din ang naka-duet ang Sparkle stars sa stage.
Bukod sa inihandang performances ng Sparkle stars, may pa-raffle rin ang mga ito sa lucky fans na nakapag-uwi ng papremyo.
Silipin ang highlights ng Sparkle Grand Fans Day 2023 sa gallery na ito.
Naganap ang Sparkle Grand Fans Day 2023 sa SM North EDSA Skydome nitong Linggo (December 10).
Isang song performance ang hatid ni Asia's Multimedia Star Alden Richards para sa fans sa naganap na Sparkle Grand Fans Day 2023.
Naghatid ng saya ang Kapuso Primetime Princess na si Barbie Forteza sa fans sa pamamagitan ng isang song number.
Isang heartwarming performance ang handog ni Sang'gre actress Bianca Umali sa fans nang awitin niya ang “Sundo.”
Kinilig ang fans sa naging performance ni Black Rider star Ruru Madrid.
Hinarana ni The Missing Husband star Jak Roberto ang Kapuso fans nang kantahin niya ang “Uhaw.”
Nagkaroon ng song performance ang Sang'gre actor na si Kelvin Miranda at ilang lucky fans pa ang nakasama niya sa stage.
Nag-perform sa stage ang youngest P-pop boy group ng bansa na Cloud 7, na binubuo nina Kairo, Egypt, Lukas, Migz, PJ, Fian, at Johann.
Ipinamalas ng Sparkle Teens ang kanilang galing sa pagsayaw sa Sparkle Grand Fans Day 2023.
Naghatid ng kilig ang ilang Sparkle love teams sa kanilang fans. Nag-duet sa stage sina Sparkle stars Abdul Raman at Shayne Shava.
Kilig vibes din ang handog nina Sparkle Teens Bryce Eusebio at Princess Aliyah sa Kapuso fans.
Kilig na kilig ang fans sa song number nina Sparkle Teens Marco Masa at Ashley Sarmiento.
Isang song performance rin ang hatid nina Sparkle sweethearts Allen Ansay at Sofia Pablo para sa kanilang supportive fans.
Kabilang sa mga dumalo sa Sparkle Grand Fans Day 2023 ang ilang miyembro ng Sparkada, Firefly child star Euwenn Mikaell, Jon Lucas, at marami pang iba.
Present din sa Sparkle Grand Fans Day 2023 ang naggagandahang Sparkle actresses na sina Shuvee Etrata, Angel Guardian, Faith Da Silva, Rabiya Mateo, Elle Villanueva, Liezel Lopez, Lexi Gonzales, Ashley Ortega, at Lianne Valentin.
Isang lively song performance ang hatid ng Kapuso Pop Rocker na si Anthony Rosaldo para sa fans.
Ilang lucky fans ang nagkaroon ng pagkakataon na makasama at maka-duet ang ilang Sparkle artists sa stage.
Kitang-kita ang saya ng Kapuso fans sa naganap na Sparkle Grand Fans Day 2023.
Sina Rain Matienzo, Migs Almendras, Angela Alarcon, Hannah Arguelles, at MJ Ordillano ang hosts sa naganap na Sparkle Grand Fans Day 2023.
Labis ang pasasalamat ng Sparkle artists sa lahat ng kanilang mga tagasuporta na dumalo sa Sparkle Grand Fans Day 2023.