King of Ice Cream Commercials Sef Cadayona talks about his hilarious new TV ad
Published On: October 13, 2015, 03:58 PM
Updated On: March 07, 2020, 12:53 PM
By AEDRIANNE ACAR
One Americano Short, please!
Patok sa mga Kapuso netizens ang pinakabagong TV commercial ni Sef Cadayona sa iniindorso niyang ice cream brand na Cornetto.
Sa exclusive interview ng GMANetwork.com sa Bubble Gang star kahapon (October 12), nagkuwento si Sef kung gaano kasaya i-shoot ang naturang TV commercial.
Ani ni Sef, maganda ang working relationship niya sa creative team at sobra siyang nagtitiwala sa mga concept na binabato nila.
“'Yung reaction namin dun nung nakita namin ‘yung one Americano short. [giggles] Ever since naman trusted na naten ‘yung mga creators ng commercial na ‘yun.”
“Siguro mga input ko mostly mga reaction na lang, parang dun na lang sa kasama kong girl, pero mostly wala eh, fun shoot na siya. Tsaka, kami-kami na kasi magkakasama ever since, so gamay na gamay na namin lahat ‘yun lang nakakatawa lang siya.”
'Juan Tamad' success
Super successful din ang pinakabagong project ni Sef with the Kapuso Network na ‘Juan Tamad.’ Sa katunayan, simula ng ipalabas ito, consistently na nakakuha ito ng mataas na rating every Sunday.
Ayon sa Kapuso actor, hindi daw niya inaasahan na ganun kainit ang pagtanggap ng manonood sa kanilang show.
“Siguro hindi expected. We really hope for that kind of feedback kasi bago pa naman namin sinimulan ‘to naniwala kami talaga sa lahat ng kakayanan ng lahat ng tao from the staff, from the cast, from the writers, especially the writers, the director.”
“Siyempre nung bago ipalabas si 'Juan Tamad' siyempre kinakabahan kami, pero sa puso namin alam namin okay talaga ‘yung ginagawa namin, so naniniwala kami doon, and yes, parang nakita din naman ng mga tao. Kasi mostly dun may mga adlib-adlib eh, kaya nag-jive naman lahat ng chemistry ng cast.”
Bonus points din daw na maraming bata ang natutuwa sa ‘Juan Tamad’ kaya mas nakaka-inspire na mas lalong galingan para maibigay sa kanila ang isang quality show.
“Especially the kids, me, myself, I’m targeting the audience ranging from six to 10 years old. So, ayun malaking galak sa akin ‘yun 'pag nakakakita ako ng bata na ‘Kuya Juan,’ ayun okay ako dun.”