Jen Rosendahl’s advice to achieve showbiz longevity
Published On: October 22, 2015, 05:26 PM
Updated On: March 15, 2020, 05:05 AM
By AEDRIANNE ACAR
Malayo na ang narating ng Kapuso sexy comedian na si Jen Rosendahl. Matapos makilala bilang miyembro ng sikat na girl group na 'Viva Hot Babes,' ngayon naman ay nagpapatawa si Jen tuwing Sabado ng gabi bilang kasambahay nila Deedee at Mimi Kho sa 'Pepito Manaloto.'
Sa panayam sa kanya ni Kara David sa 'Powerhouse,' nagbigay ng payo si Jen kung paano niya nagawang tumagal ng ganito kahaba sa showbiz.
Payo ng 'Pepito Manaloto' star, "You have to know what you want, huwag kayong maging controversial you have to learn the hard way na hindi lahat ng gusto mo puwede or sa pagtingin mo tama ka."
"Minsan hindi ganun eh, it cannot be. You have to stay true to yourself yun ang importante for me and you have to be disciplined," ani ni Jen.
Importante din ayon sa soon-to-be mommy na dapat maging masipag para lalo pang mapaghusay ang inyong talento dahil matindi ang kumpetisyon.
"Kasi if you don’t work hard for it wala din. The competition is there you have to take care of yourself alagaan mo din sarili mo. But always follow your dream."