Patok sa TikTok ang pretty girl na si Queenay Mercado (or Queenee Pearl Mercado in real life) na taga San Jose, Batangas.
Kinaaliwan ng mga netizen ang punto niyang Batangueña at sa katunayan umabot na sa mahigit 14 million ang followers ni Queenay sa TikTok.
Bukod sa pagiging social media sensation, pinasok na rin ng dalaga ang mundo ng showbiz at napanood sa ilang shows ng GMA-7.
Mapapanood din si Queenay sa movie na 'Slay Zone' na pagtatambalan ng dalawang dekalibreng aktres na sina Glaiza De Castro at Pokwang!
Higit na kilalanin ang Batangueña beauty na si Queenay DITO!
Maituturing na si Queenay sa most-followed Pinay content creator sa TikTok. Ang kaniyang account ay mayroong 14.4 million followers at ang videos niya, umani na ng 310 million likes!
Patok sa mga netizen ang video niya sa TikTok na hinamon siya magsalita ng Tagalog ng wala ang kaniyang Batangueño accent. May mahigit 26 million views na ang naturang video.
May Silver Play Button na rin si Queenay dahil may mahigit sa 300,000 subscribers na ang kaniyang YouTube channel na Queenee Mercado. May mahigit 500,000 followers naman ang kaniyang Instagram page.
Sa isang panayam ng PEP.Ph, nagkuwento si Queenay kung paano niya hina-handle ang online bashing.
Pag-amin ng TikTok star, "Ay ngayon, 'pag ganyang marami talagang mga bashing, ganyan…minsan, ang ginagawa ko ho talaga, hindi ho ako nagso-social media for a while. Parang, kumbaga, hinahayaan ko muna ang sarili ko na maging banayad for a while. Kasi bakit naman hindi?
"Kumbaga, sarili ko naman ito. Kumbaga bakit i-stress-in ko ang sarili ko sa isang bagay na alam mo 'yun, kumbaga hayaan mo muna ang social media."
Ayon sa isang report, ang nickname ni Queenay ay Broiler
Mina-manage ng Cornerstone Entertainment ang showbiz career ni Queenay
Nakapag-guest na rin sa ilang GMA-7 shows si Queenay tulad noong 2022 nang bumida siya sa episode ng 'Pinas Sarap' ng award-winning documentarist na si Kara David.
Ibinida din niya ang kaniyang Batangueña accent bilang isang librarian sa sketch ng 'Bubble Gang.'
Certified fashionista rin itong si Queenay!
Bukod sa social media at TV, ipapakita rin ni Queenay ang husay niya sa big screen, dahil makakasama siya sa movie nina Pokwang at Glaiza De Castro na 'Slay Zone.'
Tiyak mas lalo pang magniningning ang career ng Batangueña online sensation na si Queenay Mercado sa mga susunod na taon!