Ipinakilala na ang pinakabagong Kapuso celebrities and personalities na magiging parte ng Eastwood Walk of Fame sa ginanap na induction ceremony kahapon, March 6, sa Eastwood, Quezon City.
Ang Eastwood City Walk of Fame ay sinimulan ng namayapang Master Showman na si German "Kuya Germs" Moreno noong 2005. Ipinagpatuloy ito ng kaniyang anak na si Federico Moreno.
Parte ito ng City of Stars project ng Quezon City, sa pangunguna noon ni dating Quezon City Mayor Herbert Bautista at Megaworld Corporation Senior Associate Vice President at Head for Marketing na si Tefel Pesigan-Valentino at Quezon City Mayor Herbert Bautista, na nagpapatuloy ng nasimulan ni Kuya Germs.
Kilalanin ang pinakabagong Kapuso inductees sa Eastwood City Walk of Fame sa gallery na ito:
Isa sa mga bagong kinilala sa Walk of Fame ay ang Chairman at advisor ng GMA Network na si Atty. Felipe L. Gozon.
Ayon pa kay Atty. Gozon, pakiramdam niya ay out of place siya dahil hindi naman siya artista.
Proud umano si Atty. Gozon at ang anak niya na si GMA Senior Vice President Atty. Annette Gozon-Vlades dahil, bukod sa pagiging parte ng event, kabilang din ang ilang Kapuso artists and personalities sa mga bagong kinilala sa Walk of Fame.
Kabilang sa mga bagong nakakuha ang sariling star sa Walk of Fame ang 'Abot-Kamay na Pangarap' star na si Richard Yap.
Surreal umano para kay Richard ang makatanggap ng Walk of Fame star dahil hindi niya inaasahang tatagal siya sa industriya ng mahigit limang taon.
Hindi makapaniwala at hindi rin inaasahan ng 'Black Rider'star na si Michelle Dee na makakakuha siya ng Walk of Fame star.
Nagpapasalamat ang Miss Universe Philippines 2023 sa pagkilala sa kaniyang mga nagawa hindi lang sa entertainment industry, kundi maging sa kaniyang passion at advocacies.
Naiiyak naman ang 'Pulang Araw' star na si Sanya Lopez nang tanggapin niya ang Walk of Fame star.
Miss na miss na ni Sanya ang Walk of Fame na si German Moreno, na kanyang tatay sa showbiz. Hiniling niya na sana magkasama sila sa gabing iyon.
Nagpapasalamat din ang film at TV director na si Johnny Manahan, o mas kilala bilang si Mr. M, sa pagkilala sa kanya sa Walk of Fame.
Overwhelmed naman si Lhar Santiago sa pagkilala sa kanya sa Walk of Fame. Hindi niya inakalang puwede pala siyang makakuha ng sariling star rito.
Honored din si Lhar sa natanggap na star at puno ng pasasalamat sa yumaong si Kuya Germs para rito.
Nabigyan din ng Walk of Fame star ang DZBB anchor na si Joel Reyes Zobel.
Kasama ni Joel ang kaniyang pamilya sa pagtanggap ng prehistiyosong parangal na ito.
Malaki ang pasasalamat din ng inductees, kabilang na sina Sanya at Lhar, kay Kuya Germs sa pagkakasama nila sa Walk of Fame.
Full support din sina Senior Vice President Atty. Annette Gozon-Valdez, GMA President and Chief Operating Officer Gilberto R. Duavit, Jr., ang Kapuso Primetime King Dingdong Dantes sa Kapuso inductees.
Kasama rin nina Atty. Annette at Mr. Duavit ang Senior Vice President for Corporate Strategic Planning and Business Development na si Regie C. Bautista at si GMA First Vice President for Program Management Jose Mari R. Abacan sa pag-welcome sa bagong Kapuso Inductees.
Nakasama rin nila ang anak ni Kuya Germs na current president at general manager ng Eastwood Walk of Fame na si Federico Moreno.
Nakasama rin ni Atty. Gozon si Viva Communications, Inc Chairman and CEO Vic del Rosario at kapwa nila inductee, ang actor-TV host na si Luiz Manzano.