Wedding gown ni Pauleen Luna, ginagawa na ni Francis Libiran

By CHERRY SUN

Hindi pa man isinasapubliko ang date at venue ng pag-iisang-dibdib nina Pauleen Luna at Vic Sotto ay ginagawa na ng world-renowned fashion designer na si Francis Libiran ang wedding dress ng Kapuso actress-host.

READ: Pauleen Luna, pinili si Francis Libiran na gumawa ng kanyang dream wedding gown 

Unang meeting pa lang daw ni Francis kay Pauleen ay alam na nito ang gusto niyang bridal gown. Sa katunayan ay sinunod ni Francis ang nais nitong disenyo.

“Medyo conservative. Ang ginawa naming gown is more of her personality. She wants something dainty yet elegant,” paglarawan ng fashion designer.

Kuwento niya sa 24 Oras na kahit maraming lace ang magiging wedding dress ni Pauleen ay aangat pa rin ang kagandahan ng dabarkad.

Aniya, “She wants something very simple, very classic because Pauleen is very pretty. Hindi mo na kailangan dekorasyonan. She just wants something that’s timeless and simple.”