15 Kapuso stars, nadagdag sa Philippine Walk of Fame
By BEA RODRIGUEZ
Labinlimang Kapuso stars ang pinagkalooban ng bituin sa ika-sampung taon ng “Walk of Fame” sa Eastwood City kahapon.
Nahirapan raw si Master Showman German Moreno kung sino ang mga hihirangin ngayong taon, “Kung ako ay mayaman lang at milyonaryo, [bibigyan] ko lahat ng artista mula sa namatay na nang una hanggang ngayon [at] ilalagay ko sabay-sabay. Taon-taon, madadagdagan ‘yan [basta] hintayin na lang nila ang tamang panahon.”
Pinangunahan ito ng AlDub at JoWaPao (Jose Manalo, Wally Bayola, Paolo Ballesteros) na nagpauso ng “tamang panahon.”
Wala man si Pambansang Bae Alden Richards, ang Eat Bulaga darling na si Maine Mendoza ang tumanggap ng parangal. Saad niya sa Unang Hirit, “Dinadaanan ko lang ‘to dati pero ngayon, pangalan ko na ang nandiyan so sobrang happy.”
READ: AlDub and JoWaPao, get their own star in the Philippine Walk of Fame
Photo courtesy of GMA ARTIST CENTER
Pasok rin ang nakakakilig na tambalan nina Jake Vargas at Asia’s Pop Sweetheart Julie Anne San Jose.
Wagi rin sina GMA artists Rocco Nacino at Buboy Villar na nakilala sa larangan ng pag-arte dahil sa kanilang mga acting awards. Solo namang nasungkit ng multi-awarded GMA reporter na si Kara David ang kanyang bituin sa pagbabalita.
Ang Philippine Walk of Fame ay tinuturing na tourist spot sa bansa ayon kay Kuya Germs, “Talagang dinadayo ito ng mga tao [at] ‘yung iba nagkukuha ng picture dahil meron silang mga paborito. Sila ang nagpasikat sa mga artista natin kaya binibigyan natin ng importansiya.”
READ: ‘Kalye-serye’ actors receive their stars on the Philippine Walk of Fame
Hindi rin nakalimutan ni Master Showman na iukit ang mga pangalan ng mga beteranong aktor at aktres sa industriya kagaya nina Because of You leading man Gabby Concepcion, MariMar star Alice Dixson, The Half Sisters star Eula Valdez, Mars host Camille Prats at Little Nanay actress Sunshine Dizon.
“Maraming salamat sa pagdalo ninyo to witness this event. Kuya Germs worked so hard to put it together for all of us,” pagtatapos ni Alice.