Dumalo at nakisaya ang Lilet Matias: Attorney at Law actors na sina EA Guzman at Jason Abalos sa Mango-Bamboo Festival sa San Carlos, Pangasinan. Kasama nila rito ang mga bibida sa Philippine adaptation ng hit Korean series na Shining Inheritance na sina Kyline Alcantara, Kate Valdez, Roxie Smith, at Michael Sager.
Nagbigay-saya rin ang komedyanteng si Pepita Curtis bilang host ng event.
Ipinagdiriwang ang Mango-Bamboo Festival para palawigin ang bamboo furniture at items, gayundin ang carabao mangoes, na pangunahing produkto ng San Carlos. Layunin ng pistang ito ang mabigyan ng oportunidad ang mango farmers at bamboo furniture makers na ma-promote ang kanilang mga negosyo
Tingnan kung paano napasaya nina EA, Jason, Kyline, Kate, Roxie, Michael, at Pepita ang mga Kapuso sa Pangasinan sa gallery na ito:
Masayang sinimulang ng komedyanteng si Pepita Curtis ang programa sa pamamagitan ng kaniyang mga patawa at kuwelang hosting.
Nagpalaro rin si Pepita sa mga Kapuso na dumalo sa event at nagbigay pa ng papremyo sa kanila.
Naghandog naman ng awiting si EA Guzman para sa mga Kapuso sa Pangasinan na dumalo sa event.
Hindi rin nag-atubili si EA na magpa-picture sa mga Kapuso na nasa Mango-Bamboo Festival.
Palong-palo rin sa pagpapakilig ang aktor na si EA sa mga manonood, lalo na nang imbitahan niya sa stage at hinarana niya ang isa sa mga manonood.
Nagbigay-ngiti rin si Jason Abalos sa mga manonood sa San Carlos, Pangasinan, sa pamamagitan ng kaniyang performance.
Hindi nagpahuli si Jason sa paghatid ng ngiti at kilig sa mga Kapuso sa Mango-Bamboo Festival.
Naghandog ng awitin ang Shining Inheritance star na si Michael Sager sa mga Kapuso sa Pangasinan. Isang audience member din ang inimbitahan niya sa stage para haranahin.
Walang ibang dala si Michael sa Pangasinan kundi talent at happy vibes lang para sa mga dumalo sa Mango-Bamboo Festival.
Radiant naman ang aktres na si Roxie Smith nang mag-perform na siya sa stage.
Tila nagniningning sa stage si Roxie habang nagpe-perform para sa mga Kapuso sa Pangasinan.
Ipinamalas naman ni Kate Valdez ang kaniyang charming side nang mag-perform siya para sa mga Kapuso sa Pangasinan.
Pinagkaguluhan rin si Kate ng mga manonood at kitang-kita kung gaano nila kamahal ang aktres.
Nagbigay naman ng all-out na performance si Kyline Alcantara para sa mga Kapuso na dumalo sa Mango-Bamboo Festival.
Ipinamalas rin ni Kyline ang kaniyang pagiging bold aura sa kaniyang performance. Game na game din siya sa pagpapa-picture sa audience.
Isang memorable na gabi ang ginanap na Mango-Bamboo Festival hindi lang para sa mga taga-Pangasinan, kundi maging kina EA, Jason, Kyline, Kate, Roxie, Michael, at Pepita. Maraming salamat sa mainit na pagtanggap, mga Kapuso!