Nagpunta at nakisaya ang ilang Kapuso stars sa naganap na Pista'y Dayat sa Pangasinan nitong nagdaang weekend. Dumalo ang ilang cast ng Asawa ng Asawa Ko na sina Jasmine Curtis-Smith, Martin del Rosario, at Joem Bascon, cast ng Abot-Kamay na Pangarap na sina Jillian Ward, Pinky Amador, at Jeff Moses, at Encantadia Chronicles: Sang'gre star Kelvin Miranda.
Nagsilbing host naman ng event ang aktres na si Vaness del Moral. Ang Pista'y Dayat o Festival of the Sea ay isang thanksgiving festival kung saan ipinagpapasalamat nila ang masaganang sea harvest.
Tingnan kung papaano napasaya nina Vaness, Jasmine, Martin, Joem, Jillian, Pinky, Jeff, at Kelvin ang mga Pangasinense sa gallery na ito:
All-out ang pagho-host ng Kapuso actress na si Vaness del Moral sa naganap na Kapuso Fiesta.
Puno ng saya at papremyo para sa mga Pangasinense ang dala ni Vaness.
Bigay todo rin ang Asawa ng Asawa Ko star na si Jasmine Curtis-Smith sa kaniyang performance.
Kitang-kita kung gaano kamahal ng mga Pangasinense si Jasmine na game na game naman magpa-picture kahit habang nagpeperform.
Mula kontrabida, rockstar muna panandalian si Joem Bascon sa kaniyang naging performance sa naganap na Pista'y Dayat sa Pangasinan.
To the highest level ang naging performance ni Joem sa naganap na Kapuso Fiesta. Kaya naman sinabayan siya ng mga Kapuso sa Pangasinan ang kaniyang energy at nakisaya nang husto sa aktor.
Nagbahagi rin ng song number si Martin del Rosario para sa mga Kapusong Pangasinense.
Ipinamalas rin ni Martin ang kaniyang charm sa mga manonood na lalo pang kinilig dahil sa binata.
Oozing naman sa talent ang Abot-Kamay na Pangarap star na si Jillian Ward nang mag-perform siya para sa Pista'y Dayat sa Pangasinan.
Nakakabingi at puno ng pagmamahal ang mga Pangasinense kay Jillian nang mag-perform ito nitong nagdaang weekend. Hindi rin ito nag-atubili na pumirma sa poster ng fans nila ni Jeff Moses.
Heartfelt din ang naging performance ni Pinky Amador para sa mga Kapusong Pangasinense.
Kontrabida man siya sa paningin ng marami, mahal na mahal ng mga Pangasinense si Pinky.
Isang sweet na harana ang ibinigay ni Jeff Moses sa mga Kapuso sa Pangasinan nang mag-perform siya para sa Pista'y Dayat.
Kuhang-kuha rin ni Jeff ang kiliti ng mga Kapuso ng pakiligin niya ang mga dumalo sa kaniyang performance. Nagpaunlak pa ang aktor ng groufie at pumirma sa poster ng fans nila ni Jillian.
Hindi rin nagpahuli ang Encantadia Chronicles: Sang'gre star na si Kelvin Miranda sa pagbigay ng kaniyang performance at pagpapasaya ng mga Kapuso sa Pangasinan.
Kuhang-kuha ni Kelvin ang puso ng mga Pangasinense sa kaniyang pagpapakilig, lalo na nang maimbitahan ang ialng fans sa stage para haranahin.
Ibang-iba magpasaya si Kelvin sa mga Kapuso sa nagdaang Pista'y Dayat.
Siguradong hindi malilimutan nina Vaness, Jasmine, Martin, Joem, Jillian, Pinky, Jeff, at Kelvin ang nagdaang Pista'y Dayat. Salamat sa mainit na pagtanggap, Kapuso! Hanggang sa uulitin.