WATCH: 'Little Nanay' cast, sinorpresa si Keempee de Leon sa kanyang birthday
Published On: January 10, 2016, 01:39 PM
Updated On: March 06, 2020, 02:58 PM
By AL KENDRICK NOGUERA
Nagdiwang ng kanyang kaarawan si Kapuso star Keempee de Leon noong January 8 kaya't nang mag-taping siya sa Little Nanay kahapon ay sinorpresa siya ng kanyang co-stars sa Telebabad soap.
Sa Instagram video ni Kris Bernal, mapapanood ang cast na kinakantahan ng Happy Birthday si Keempee.
"Happy birthday, Kuya Kimpee! We love you!!! Thank you for being so nice and sweet to us! "Happy lang" kasi nakatrabaho kita," saad ni Kris.
Nag-post din ang gumanaganap na asawa ni Keempee sa teleserye na si Gladys Reyes ng isang group photo kasama ang production staff ng Little Nanay.