Ano ang saloobin ni Andre Paras sa bagong inspirasyon ng kanyang kapatid na si Kobe?
By AEDRIANNE ACAR
Confident ang Kapuso hottie na si Andre Paras sa bago niyang project sa Kapuso network na That’s My Amboy na malapit nang mapanood ngayong buwan.
READ: Ano ang masasabi ni Benjie Paras sa bagong GF ni Kobe?
Sa panayam sa binata sa premiere night ng pelikula ng kanyang ama na si Benjie Paras na ‘Lumayo Ka Nga Sa Akin,’ nabanggit nito na excited na siya sa soap nila ng kanyang ka-love team na si Barbie Forteza.
Base sa ulat ni GMA showbiz reporter Lhar Santiago sa 24 Oras ngayong Huwebes ng gabi (January 14), sinabi ng Kapuso actor na magagamit niya ang kanyang comedy skills sa That’s My Amboy.
“I think I’m strong 'yung comedy ko hopefully also sa romcom po and I’m really happy kasi makakasama ko uli si Barbie Forteza.”
Tinanong din ni Lhar si Andre kung ano ang masasabi nito sa girlfriend ni Kobe na si Gabrielle Current at sa basketball career ng kapatid sa Amerika?
Tugon ni Andre, “I’m just really proud of him and I’m proud of him kasi he’s really happy and that made him more inspired to play basketball and also not to be homesick siguro po.”
Diretsahan din sinagot ni Andre ang tanong ni Lhar, kung naiisip na rin ba niya na humanap ng girlfriend tulad ni Kobe.
“More of ano kasi work muna and also I just want to focus on the shows. So focus muna on the new soap po,” saad ng aktor.