May second movie na nga ba ang AlDub?

By AEDRIANNE ACAR

PHOTO BY ELISA AQUINO, GMANetwork.com

Sa contract renewal ng TAPE Inc. with GMA Network kahapon (January 28), nagbigay ng pahayag si Mr. Antonio P. Tuviera (TAPE President and CEO) tungkol sa kanilang mga plano para kina Alden Richards at Maine Mendoza o mas kilala bilang AlDub.

READ: 'Eat Bulaga' renews contract with Kapuso Network 

Alden Richards at Maine Mendoza, mananatiling Kapuso kasama ang mga Dabarkads ng 'Eat Bulaga' 

Ayon kay Mr. Tuviera, pinagplaplanuhan nila ang isang out-of-the-country show at kailangan na busisiin ang kanilang preparations para dito.

Saad ng TAPE Inc. executive, “Medyo pinaplano naming kaya lang siguro naintindihan nila na hindi basta-basta lang makakaalis ‘yung dalawa noh.”

Dagdag niya, “Kasi parang mapipilay din naman ‘yung show kaya kailangan either magta-taping or kaya talagang paplanuhin mabuti para kung ano man, kung gagawa man ng show abroad eh mayrung maiiwan dito. Kaya medyo mahirap lang, pero pinaplano namin.”

Diretsahan din sinagot ni Mr. Tuviera ang pag-uusisa ng press people kung totoo bang may second movie na sina Yaya Dub at ang Pambansang Bae.

Paliwanag nito, “Yes, yes were looking at another film. Marami-marami mga plano kaya lang parang dahan-dahan namin ginagawa, dahil mahirap na eh [baka] mabigla o matalisod, mahirap na, so mas mabuti na ‘yung dahan-dahan.”