Dingdong Dantes, balik training na para sa 'Encantadia' after 10 years
Ngayong araw, April 18, nagsimula ang physical training ni Kapuso Primetime King Dingdong Dantes bilang preparasyon para sa nalalapit na pagbabalik ng Encantadia. Siya ang gaganap sa karakter ni Raquim, ang kapareha ni Ynang Reyna Minea na gagampanan naman ni Marian Rivera.
READ: "Marian [Rivera] is the best choice" - former Ynang Reyna Dawn Zulueta
"The last time was 10 years ago when we trained for the first one. Officially, ngayon lang ulit," pahayag ng dating gumanap sa role ni Ybarro sa exclusive interview ng GMANetwork.com.
READ: Ruru Madrid on bagging the role of Ybarro in 'Encantadia': "Akala ko nananaginip lang ako"
Muling binalikan ni Dingdong ang physcial trainings niya noon at ikinumpara niya ito sa pinagdaanang arnis training ngayon na tumagal ng apat na oras. Aniya, "Naalala ko before 'yung mga tinuturo [ay] some of the basics. But today, marami ring bago. Siguro ganoon talaga if you have not tried it for 10 years, it seems pretty new."
Dagdag pa niya, "Ako I like it basta may bagong kailangang aralin, na-cha-challenge ako. I'm happy to learn something new today."
Hindi gaanong kadali ang arnis training ni Dingdong. Sa katunayan nga ay nagkaroon siya ng minor injury habang nagpa-practice. "Well heto, paltos kaagad sa kamay pero exciting," saad niya.
Mas excited din daw si Dingdong dahil makakasama na niya ang ibang cast ng Encantadia sa kanyang next training. "Exciting bukas, kasama ko na 'yung ibang cast. So medyo magulo. Masaya 'yan. Malamang nasa advance na 'yung mga 'yon dahil matagal na sila," pagtatapos niya.
MORE ON 'ENCANTADIA':
#NoPainNoGain: Kylie Padilla gets hurt while training for 'Encantadia'
WATCH: Kylie Padilla and Rocco Nacino's sparring session in preparation for 'Encantadia'