Aiza Seguerra, hindi sinasadyang masikmuraan si Spencer Reyes?

Kahit pa si Aiza ang “dating Little Miss Philippines, [na] ngayon Mr. Pogi na,” dumaan din siya sa tinatawag niyang “awkward stage,” ang pagkakaroon ng ka-love team.
 
Ang kanyang ka-love team noon ay ang former Streetboys dancer na si Spencer Reyes. Kuwento ni Aiza sa Yan Ang Morning!, “Lahat tayong mga child stars dumaan sa awkward stage. ‘Yan [ang love team namin ni Spencer] ‘yung super awkward stage [ko.]”

Ipinaliwanag ni Aiza na noon kasi wala pang mga tween stars. Dati raw ay “it's either child star ka or may love team na.” Dagdag pa niya, “Siyempre, malaki 'yung pangangailangan ko. Dala ng pangangailangan ko kailangan ko kumapit sa patalim na may ka-love team.”
 
Ika pa niya na nung time na nagpro-promote sila ng movie ni Spencer ay nasaktan daw niya ng bahagya ang binata. Sabi raw kasi ni Spencer sa kanya, “'Aiza, ganito ah, basta sumakay na lang, hawakan ko kamay mo [mamaya sa mall show].' So, siyempre, sagot ni Aiza, 'O sige na, sige na.'”
 
Pero nagulat daw siya dahil bigla siyang inakbayan ni Spencer. Kaya bigla niya itong nasikmuraan nang hindi sinasadya. Aniya: “Automatic na, [nasikmuraan ko siya.]”
 
Sa sumunod na araw daw ay tinawagan siya ng TAPE Executive na si Ms. Malou Choa Fagar, sabi sa kanya: “Aiza, bakit mo naman sinikmuraan si Spencer?” Depensa ni Aiza, “Sorry po tita, hindi ko talaga kaya ['yung pag-akbay.]”
 
Although para naman kay Aiza ay isa pa rin itong “funny memory” na worth keeping.
 
MORE ON 'YAN ANG MORNING!':
 
Yan Ang Morning!: Lotlot de Leon, magpapakasal na!