WATCH: Cast ng 'Sinungaling Mong Puso,' nagpaabot ng pasasalamat sa isang behind-the-scenes video
Solid ang naging simula ng pinakabagong GMA Afternoon Prime series na Sinungaling Mong Puso.
Talagang mainit ang naging usapan sa social media tungkol sa serye. Sa katunayan, kabilang ito sa top 10 trending topics ng Twitter Philippines sa buong pilot week nito!
Kaya naman naghanda ang isa sa mga lead stars nito na si Rafael Rosell ng isang maikling thank you video para sa mga sumubaybay sa kanilang drama.
Ipinasulyap din ni Rafael sa video ang mga kaganapan sa kanilang paghahanda para sa show, kabilang na ang mga eksena sa likod ng camera at mga promotions nila para rito.
Ngayong linggo, mapapanood na ang unang pagkikita nina Clara (Rhian Ramos) at Jason (Kiko Estrada). Ano kaya ang magiging epekto nito sa pagsasama nila ni Roman (Rafael Rosell)?
Huwag bibitaw sa Sinungaling Mong Puso, Lunes hanggang Biyernes, pagkatapos ng Magkaibang Mundo sa GMA Afternoon Prime!