WATCH: Allan K, Ate Gay, Boobay at Boobsie, nagpasaya sa Canada!

Dinala ng Kapuso comedians na sina Allan K, Ate Gay, Boobay at Boobsie ang tawa at saya sa Canada para sa ating mga kababayan abroad bilang parte ng kanilang Klownz tour mula Agosto 20 hanggang 28.

Bukod sa kanilang stage performances, nag-jamming ang Eat Bulaga host na si Allan K kasama ang isang street musician sa Montreal.

Ini-spoof naman ni Ate Gay ang lyrics ng kantang “Let It Be” ng The Beatles at gumawa rin siya ng mash-up video habang kinakanta ang hit songs nina Canadian singer Celine Dion at Pinoy music icon na si April Boy Regino.

Ayon sa report ni Nelson Canlas sa 24 Oras, kumuha pa ng litrato si Boobsie na tila na-no-nosebleed na sa kaka-Ingles.

Mga Kapuso, huwag ninyong palampasin na mapanood ang ating mga paboritong komedyante live sa kanilang tour abroad.

IN PHOTOS: Allan K, Boobay, Ate Gay, and Boobsie in Canada