EXCLUSIVE: Meet jock turned actor, Bruno Gabriel
Isa si newbie actor Bruno Gabriel sa mga napili para sa cast ng upcoming GMA Afternoon Prime series na Anything For You.
Mula sa isang showbiz family si Bruno—anak siya ng aktres na si Lani Lobangco, at pamangkin ng singer-actress na si Rachel Lobangco.
Bago pumasok sa showbiz, isa siyang atleta.
"Bago ako pumasok sa showbiz, I used to do sports. I used to play football—soccer and tennis," kuwento niya sa isang eksklusibong panayam ng GMANetwork.com.
"Sa tennis, nag-compete ako sa US, in Southern California. 'Yung mga kalaban ko diyan [from] San Diego, Los Angeles saka Riverside. Irvine din," pagpapatuloy niya.
Aktibo pa rin siya sa tennis kahit narito na siya sa Pilipinas dahil madalas pa rin siyang sumali sa mga tournaments tulad ng Olivarez Cup, ngunit mas nag-focus daw siya sa football.
"Active ako sa UFL (United Football League). I used to play for Stallion, tapos Azkals for a few weeks—training pool lang naman, then later on, Manila Jeepney. 'Yun 'yung huli kong team," aniya.
Nasubukan na rin ni Bruno ang modeling at theater.
"Before ako makasama sa Network, for an entire year, nagmo-model ako para lang maging familiar sa sistema. Ramp, commercial, print. I know showbiz is a bit different, it's pero sort of in the same line," bahagi niya.
"Kasabay ko na din 'yung theater. Nag-theater ako sa PETA. Hindi naman ako member, pero nagwo-workshop, nagsho-showcase. Malaking tulong 'yung mundo na 'yun sakin dito sa showbiz," dagdag niya.
Abangan si Bruno sa Anything For You kung saan makakasama niya sina Kristoffer Martin, Joyce Ching, Thea Tolentino, Eula Valdez, Snooky Serna, Marc Abaya, Jett Pangan, Marina Benipayo, Renz Valerio, Mona Louise Rey, Chinggoy Alonzo at marami pang iba.
MORE ON YOUNG KAPUSO HUNKS:
WATCH: 'Sunday PinaSaya' mainstay Andre Paras, ipinasilip ang custom van
'Tsuperhero' star Derrick Monasterio may kilig post para sa ka-love team na si Bea Binene
WATCH: Abs ni Jak Roberto, pinagpiyestahan ng netizens sa social media!