LOOK: Maxine Medina, nanguna sa pre-arrival hot picks ng Missosology

Parami nang parami na ang mga kandidato na dumadating sa bansa habang papalapit na ang pinaka-inaabangang prestihiyosong kompetisyon sa larangan ng beauty pageants.

Mainit na sinasalubong sa airport ang mga kandidata at madalas itong napapag-usapan online. Ayon sa beauty pageant forum na Missosology, nangunguna sa “Pre-arrival Hot Picks” nito ang pambato ng Pilipinas sa 65th Miss Universe na si Maxine Medina.

Ang obserbasyon ng pageant expert na si Ferdinand Abejon, “Aside from the home court advantage, iba kasi ‘yung hitsura ni Maxine eh. Aside from the modeling advantage for her, I think Maxine is comfortable here in Manila competing.”

WATCH: Maxine Medina gives a sneak peek of her Miss Universe walk 

Kabilang din sa Top 5 sina Miss Colombia Andrea Tovar, Miss Brazil Raissa Santana, Miss Venezuela Mariam Habach at Miss Thailand Chalita Suansane.

Magiging mahigpit pa rin ang labanan sa pagitan ng Pilipinas at Colombia ngayong taon, lalo’t isang back-to-back win ang inaasam ng mga Pilipino.

WATCH: Maxine Medina, binigyan ng tips ni Miss Universe Pia Wurtzbach 

“Malakas ang laban ng Colombia, and I think they would want to get the title because of what happened last year,” dagdag ng Missosology writer.

Abangan ang mga naggagandahang binibini sa January 30 (Monday) sa Mall of Asia Arena. Isang special live telecast rin ang mapapanood sa GMA.