WATCH: Pito sa top 10 programs sa Pilipinas, mula sa Kapuso network
Numero uno pa rin sa nationwide ratings ang GMA Network sa pagpasok ng 2017. Sa katunayan, ang pito sa top 10 na mga programa sa buong bansa ay mga Kapuso shows.
Batay sa pinagkakatiwalaang ratings service provider na Nielsen TV Audience Measurement, mula December 2016 hanggang January 15, 2017, nagtala ang GMA Network ng 41.7% people audience share sa National Urban Television Audience Measurement (NUTAM). Ito ay mas mataas ng 7.5% kaysa sa nakuha ng ABS-CBN.
Nangunguna sa ratings ang Encantadia na sinundan ng Alyas Robin Hood. Number one primetime news program pa rin ang 24 Oras. Top-raters din ang Pepito Manaloto, Kapuso Mo, Jessica Soho, at Magpakailanman. Pumalo rin sa ratings ang bagong romantic-comedy show na Meant To Be kaya pasok ito sa top 10.
Kabilang din sa listahan ng top programs sa buong bansa ang Hay, Bahay!, Kapuso Movie Night, Tsuperhero, 24 Oras Weekend, Someone To Watch Over Me, Wowowin, Eat Bulaga, at Imbestigador.
Hindi rin magpapahuli sa ratings ang Superstar Duets, Sunday PinaSaya, Bubble Gang, at Ika-6 Na Utos. Panalo rin ang GMA Christmas Special na Magic of Christmas at GMA New Year Countdown na Lipad sa 2017.
Nitong 2016, GMA ang nanaig sa nationwide ratings. Mas mataas pa rin sa ABS-CBN ang naitalang 37.3% na full-year average people audience share ng Kapuso network sa NUTAM.
Ang sampled homes ng Nielsen TV Audience Measurement ay 900 mas marami kumpara sa Kantar Media.
MORE STORIES:
MUST-READ: GMA is the true number one TV station; AGB Nielsen is the more trusted ratings provider
READ: GMA Network rewards its viewers with superior and world-class 2017 program launches