Judy Ann Santos at pamilyang Agoncillo, ipinagluksa ang pagkamatay ni Nanay Binay

Isang malaking kawalan ang ngayong ipinagluluksa nina Judy Ann Santos, Ryan Agoncillo, at kanilang pamilya nang pumanaw ang matagal nang nag-aalaga sa aktres, ang kanyang Nanay Binay, noong Martes, January 31.

Si Judy Ann ay laki kay Nanay Binay, o Sabina Domangas Quintana, noong mga panahong kinailangang magtrabaho ng kanyang inang si Mommy Carol sa ibang bansa. 

Nitong Lunes, January 30, nagawa pa ng pamilya ni Judy Ann na ipagdiwang ang 69th birthday ng kanyang mahal na yaya.

Ngunit kinabukasan, sumuko na sa kanyang karamdaman at sumakabilang-buhay si Nanay Binay.

Pamamaalam ni Judy Ann, “Goodbye nanay… No more tubes, no more pain… You can now finally rest in peace.. Mami-miss ko lambing mo pag binibisita mo kami.. Ikaw ang dahilan kung bakit andito ako ngayon.. Mahal na mahal kita Nanay Binay ko... #thebestnanay.”

Nagpalipad sila ng mga lobo at kalapati para kay Nanay Binay. Iningatan din ng aktres ang mga abo nito.

Patuloy niya, “No goodbyes.. I’ll see you on the other my nanay… (Wag lang soon ah..) Basta someday.. Gabayan mo na lang kami ni Rye sa pagpapalaki namin sa mga bata.. Gaya ng ginawa mo sa akin.”

Nangungulila man, naniniwala silang nananatili ang pamana ng pagmamahal at kalinga ni Nanay Binay sa kanila.

Ani Ryan, “It was your love that gave strength to the rock that this family is built on. Your legacy lives in the smiles of our children. Mabuhay ka Nanay Binay! Pero please wag lang sa gabing pupunga pungas pa kami ah.”

MORE ON RYAN AGONCILLO AND JUDY ANN SANTOS:

IN PHOTOS: Feel at home with the Agoncillos 

WATCH: Ryan Agoncillo and Judy Ann Santos dancing to Spice Girls

READ: Why are Ryan Agoncillo and Judy Ann Santos proud of their eldest daughter's gadget purchase?