WATCH: Cesar Montano sinagot ang isyu tungkol sa milyon-milyong maanomalyang kontrata sa Tourism Promotions Board
Diretsahan sinagot ng former action star at chief operating officer ng Tourism Promotions Board (TPB) na si Cesar Montano ang mga kontrobersya na kinasasangkutan niya patungkol sa diumano’y ilang maanomalyang kontrata sa ahensyang pinamumunuan.
Ayon sa report ng 24Oras, hawak na ni Cabinet Secretary Leoncio Evasco ang liham ng concerned employees ng TPB na inerereklamo si Montano sa mga kontrata na hindi dumaan sa wastong pagsusuri ng TPB.
Ang TPB ay opisina nasa ilalim ng Department of Tourism.
Ilan dito ang P16.5 million sponsorship contract sa pagitan ng TPB at Carat Philippines, isang advertising agency and media planning and buying specialist para sa rally sa Luneta ng mga Duterte supporters at P12 million sponsorship contract sa Viva Communications para sa concert ng dalawang artista sa Amerika at United Arab Emirates.
Kabilang din sa inirereklamo laban kay COO Montano ay ang pagkuha diumano niya ng mga staff na ilan dito ay kaniyang mga kamag-anak.
Matapang na hinarap ni Montano ang isyu nang makapanayam ito ng 24Oras.
Aniya, “Yung complainant po walang name. Off shoot lang po ito nang na-dig natin o na-discover kong anomalies and irregularities dito sa opisina.”
Nagbigay din ng pahayag ang Carat Philippines sa kontrobersiya na kinasasangkutan nito sa TPB.
Base sa kanilang statement, “It is unfortunate that the name of Carat Philippines was dragged in news reported involving a complaint filed by the employees of the TPB”
“The report said that Carat Philippines produced the Luneta event last February 25, 2017. This is far from the truth. The said event was not produced by Carat Philippines.”
Nagpaliwanag din ang Viva Communications patungkol sa sponsorship contract ng dalawa nilang talent, pero nilinaw nila na hindi pa ito natutuloy dahil proposal pa lamang ito.
“At best, all we have is a proposal. Viva has not received any consideration from the Tourism Promotions Boards for the supposed sponsorship.”