LIST: Dingdong Dantes, iba pang Kapuso stars at 'Imagine You & Me,' nominado sa 33rd PMPC Star Awards for Movies

Hindi lang sa telebisyon makikita ang galing ng mga Kapuso kung 'di pati na rin sa big screens!

Naglabas na ang Philippine Movie Press Club ng official list ng nominees para sa 33rd PMPC Star Awards for Movie at kabilang dito ang ilang Kapuso stars at ang co-produced ng GMA Films na Imagine You & Me.

Sampung aktor at aktres ang maglalaban-laban para sa Movie Actor at Actress of the Year. Kasama sa listahan sina Dingdong Dantes (The Unmarried Wife), Paolo Ballesteros (Die Beautiful), Alden Richards (Imagine You & Me), Jaclyn Jose (Ma’ Rosa), Janice De Belen (Ringgo, The Dog Shooter) at Lotlot De Leon (1st Sem).

Kabilang din si Paolo sa nominado sa Movie Supporting Actor of the Year para sa Bakit Lahat Ng Guwapo May Boyfriend? at makakalaban niya rito ang GMA director na si Ricky Davao na para naman sa pelikulang Dukot.

Pareho namang nakasama sa nominees ng New Movie Actress of the Year ang former Encantadia stars na sina Gabbi Garcia at Arra San Agustin para sa mga pelikulang Laut at Kabisera.

Dahil sa husay sa pag-arte ng Kapuso child star na si David Remo sa pelikulang Pilapil, nominado rin siya sa kategoryang Child Performer of the Year.

Samantala, bukod sa nomination ni Alden bilang Best Actor, marami pang nakuhang nominations ang pelikula nila ni Maine Mendoza na Imagine You and & Me. Lalaban ang sikat na AlDub film sa categories na Movie of the Year, Movie Director of the Year (Mike Tuviera), Movie Cinematographer of the Year (Shayne Sarte), Movie Production Designer of the Year (Candy Reyes-Alipio), Movie Musical Scorer of the Year (Richard Gonzales and Jay Dominguez) at Movie Loveteam of the Year (Alden and Maine).

Ang sinulat naman ni Maine na kantang Imagine You & Me na official soundtrack ng AlDub film ay nominado sa Movie Original Theme Song of the Year.

Congratulations, mga Kapuso!