Aiai Delas Alas, tuloy ang kasal with fiance Gerald Sibayan ngayong Disyembre

Sa kanyang contract signing with GMA Network, naikuwento ni Comedy Queen Aiai Delas Alas na tuloy na tuloy na ang kasal niya sa kanyang fiance na si Gerald Sibayan ngayong Disyembre.

Ayun sa report ni Lhar Santiago para sa 24 Oras, magkakaroon din ng celebration sila Aiai at Gerald sa America.

Ani ng aktres, "Kasi 'yung mga iba naming friends na hindi makakauwi, 'yung iba kasi naming ninong at ninang nasa America rin, eh. So ayun, kailangan gumawa kami doon ng parang celebration for the wedding."

Hindi lang love life ang blooming sa aktres, pati ang kanyang career. Sa contract signing niya para sa GMA Network, very thankful ang aktres na magiging Kapuso siya muli.

Aniya, "Binigyan ako ng chance ni Lord na maging Kapuso ulit. So, nandito ulit po ako."

Masaya rin ang mga big bosses ng GMA Network na magiging Kapuso muli si Aiai. Ayun sa Chairman and CEO na si Atty. Felipe L. Gozon, "I, for one, talagang pinapanood ko 'yung shows ni Aiai." Dagdag din ni SVP for Entertainment TV na si Ms. Lilybeth G. Rasonable, "We love her and we love having her here in GMA."

Panoorin ang full report ni Lhar Santiago sa 24 Oras: