WATCH: Alden Richards pinabulaanan ang tsismis na may anak na siya

Diretsahang sinagot ni Pambansang Bae Alden Richards ang kumakalat na tsismis na may anak na siya sa pagkabinata.

Walang patumpik-tumpik na nagbigay ng statement ang Kapuso actor sa malisyosong tsismis na kumakalat online.

Sagot niya sa panayam ni Aubrey Carampel sa Chika Minute, “Clear of my conscience wala po akong anak.”

Video courtesy of GMA News

Hindi naman napigilan ng ama ni Alden na si Richard Faulkerson, Sr. or mas kilala na Daddy Bae sa Twitter na sagutin ang isa pang isyu na ibinabato sa Kapuso star na anak nito diumano ang nakababata niyang kapatid na si Angel.

Ayon sa tweet ni Daddy Bae, handa siyang sumailalim sa isang DNA test para mapatunayan na anak niya si Angel.

Todo rin ang pagtatanggol ng mga fans ni Alden mula sa mga naninira sa kaniya. Ang iba ay nagpayo pa na kasuhan ng Faulkerson family ang mga nagkakalat ng maling impormasyon na ito.