Alamin ang sikreto ng 'Secret Hotel' sa GMA News TV

Isang magarbong kasal ang gaganapin sa isa sa pinakatanyag na hotels sa Korea, ang Secret Hotel.

Laking gulat ng mga bisita nang isang bangkay ang mahulog mula sa kisame sa mismong araw ng kasal!

Malaking sakit ng ulo ito para kay Justine Nam (Yoo In-na ), head ng wedding planning division ng Secret Hotel. Ito naman ang pagkakataon niyang ipakita ang kanyang kakayanan para ma-promote bilang general manager ng hotel.

Bukod dito, ang groom pala sa kasal na inaayos niya ay ang kanyang ex-husband na si Victor Gu (Jin Yi-han)! Ikinasal sila pitong taon na ang nakalilipas ngunit naghiwalay rin bago pa man sila umabot ng isang daang araw bilang mag-asawa. 
 
Ngayon, tila pinaglalapit sila muli ng tadhana at ng murder investigation sa hotel.
 
Ito na ba ang pagkakataon nilang balikan ang kanilang nakaraang pag-ibig?

Ungkatin ang katotohanan sa likod ng lahat ng lihim ng Secret Hotel, weeknights at 11:00 pm, simula August 28 sa GMA News TV!