Andre Paras, proud sa 2017 SEA Games gold medal na na-achieve ni Kobe Paras

Isa na namang karangalan ang inuwi ng up-and-coming basketball star na si Kobe Paras para sa Pilipinas nang lumahok at magwagi ang basketball team ng bansa na kinabibilangan ni Kobe sa 2017 SEA Games.

WATCH: Kobe Paras dedicates SEA Games Gold win to Marawi soldiers

Kasama ng batang basketbolista ang kaniyang ama na si Benjie Paras at kuya Andre Paras nang mag-courtesy visit ito sa GMANetwork Center kung saan nakapanayam ng press ang huli tungkol sa pagkapanalo ni Kobe.

Aniya, "I watched the SEA Games talaga, every game, didn't miss it, made sure I messaged him para makapag-kuwentuhan. It's really a good experience kasi he's on a big stage representing the country against great players and it's good to know that he's getting almost there to reach his dreams."

Pag-amin naman ni Andre, malaki ang paghanga niya kay Kobe dahil sa mga naabot na nito sa murang edad pa lamang.

"Honestly, ako na ang humahanga sa kaniya, siya na 'yung idol ko. He's my role model kahit he's two years younger. Happy ako with what he has achieved and at the same time what he's been going through in America. Sobrang inspired ako sa kaniya talaga," wika niya.

At kahit magkalayo man sina Andre at Kobe, todo-suporta pa rin ang magkapatid sa isa't-isa.

Ayon kay Andre, "I'm really thankful for technology, video calls are easier, sending updates, kami ang nanonood sa kaniya sa internet, mga highlights, then he gets to watch us abroad. He entertains us, we entertain him kaya parang we give back to each other. Ang bond namin, it's always been there, naging stronger lang kasi we realized kung gaano ka-important talaga 'yung family bonding."