WATCH: Glaiza de Castro, inspired sa kanyang upcoming concert dahil sa K-Pop idols

Certified fan girl si Kapuso star Glaiza de Castro sa concert ng kanyang paboritong K-Pop idol na si G-Dragon ng sikat na boy band na Big Bang.

Anim na oras nakatayo ang aktres-singer pero sulit daw ito dahil nakita niya nang malapitan ang kanyang idol. Nakakuha pa siya ng inspirasyon mula sa concert para sa kanyang darating na “Kun[G]diman” show sa Music Museum ngayong October 27.

“Kung ano ‘yung mga napanood ko doon sa concerts ni G-D ng Big Bang, tina-try ko siyang i-apply,” kuwento ng aktres sa 24 Oras.

Bukod sa kanyang musika, itatampok din ni Glaiza ang kanyang mga naisulat na tula, “May ibang meaning siya bukod doon sa kundiman na mga kanta na galing sa mga tula noong mga unang panahon tapos ang kundiman ngayon [ay] medyo may hugot talaga sa mga kanta.”

Naka-focus ang atensiyon ngayon ng Kapuso star sa kanyang musika. Sa katunayan, kaka-release lang niya ng kanyang album na may titulong “Magandang Simulain.”