LOOK: Alden Richards, Rocco Nacino, and Bianca Umali, umani ng papuri para sa docu-drama na 'Alaala'

Bumida sa docu-drama na Alaala ang mga Kapuso stars na sina Alden Richards, Rocco Nacino, at Bianca Umali last September 17 sa SNBO. Sa docu-drama inilahad ang mga karanasan ng mga aktibistang sina Boni Ilagan, Pete Lacaba, at Rizalina Ilagan noong panahon ng Martial Law.

Kahit maselan ang paksa na tinatalakay sa Alaala, mahusay pa ring ginampanan nina Alden, Rocco, at Bianca ang kanilang mga karakter at dahil dito ay umani sila ng papuri mula sa netizens sa Twitter. Isa sa mga pumuri sa kanila ay walang iba kung hindi ang anak mismo ni Boni Ilagan na si Dey Ilagan.

Nagpasalamat naman si Alden sa mga manonood na sumubaybay sa kanilang Martial Law Special.