Mga Kapuso, humakot ng awards sa 4th Annual Inding- Indie Film Festival

Sadyang matingkad ang pagningning ng Kapuso stars at programs sa ginanap na 4th Annual Inding- Indie Film Festival.

Hinirang na Huwarang Artista ng Kabataan sina Miguel Tanfelix, Gabbi Garcia, Jak Roberto at si Pambansang Bae Alden Richards. 

Si Ms. Gloria Romero naman ay pinarangalan bilang Bayani ng Pinilakang Tabing

Tatlong awards naman ang nakuha ng flagship news program ng network na 24 Oras, kabilang dito ang Most Trusted TV News Program 2017, Huwarang Programa sa Sining at Media 2017 at Most Trusted TV News Program for Asian Excellence Award. 

Ang anchors nitong sina Mel Tiangco at Vicky Morales ay hinirang din bilang Bayani ng mga Brodkaster sa Pilipinas, habang si Mike Enriquez naman ang pinarangalan ng Lifetime Achievement Award for Media Excellence.

Nakuha naman ng Kapuso mo, Jessica Soho ang Most Trusted and Best TV Program of the Year. 

Ang I Juander naman ang napiling Most Trusted TV Program of the Year habang ang Wish Ko Lang ay ang Pinaka-huwarang Panoorin sa Telebisyon sa Larangan ng Serbisyo Publiko. 

Nabingwit ng mga programang Front Row, Reel Time at I-Witness ang Most Trusted TV Documentary of the Year. 

Pinarangalan naman bilang Most Trusted Media Personality of the Year sina Kara David, Dano Tingcungco, Marisol Abdurahman, Saleema Refran, Joseph Morong, Mariz Umali, Mav Gonzales, Steve Dailisan at John Consulta. 

Ginanap ang gabi ng parangal ng 4th annual Inding- Indie Film Festival ngayong December 4, 2017 sa National Press Club of the Philippines.