Kris Aquino, nakatanggap ng 'thank you' text mula kay Alden Richards

Masayang ibinahagi ni Queen of All Media Kris Aquino na nakatanggap siya ng isang text mula kay Pambansang Bae Alden Richards.

"Certified Alden Richards fan! I was thrilled to see a thank you text from him because he must have gotten word about all I said in the Merienda with Kris we uploaded," sulat niya sa caption ng kanyang Instagram account. 

Dagdag pa ni Kris na pangarap daw niyang makatrabaho si Alden. 

"Work wish for 2018—to play Alden’s mom in a project. Hopefully a drama with a bit of realistic funny moments exploring the love and complexities of a single mom and her grown up son... Just me imagining Bimb and me 15 years from now...," pagpapatuloy niya. 

Nagawa pa niyang i-tag sa post si GMA Films and GMA Worldwide Inc. President Annette Gozon, pati na ang official Instagram ng GMA Network para marinig ang kanyang hiling. 

"'Di na ko mahihiya, libreng mangarap so I’m tagging Annette Gozon of GMA FILMS and GMA Network," pagtatapos niya. 

Kamakailan, inilabas ni Kris ang isang segment ng kanyang web series na Merienda With Kris kung ibinahagi ng actress-host ang kanyang paghanga sa batang aktor. 

WATCH: Alden Richards at Keanu Reeves, pasok sa celebrity crushes ni Kris Aquino