Former 'Eat Bulaga' Girl Gracia, nanawagan na ibalik siya sa show

Nanawagan sa Eat Bulaga ang dating "Showdown Girl" na si Gracia na ibalik siya at ang dating segment na “Rambulaga” sa show. Pabiro itong sinabi ng The Stepdaughters star na si Samantha Lopez sa panayam ng GMANetwork.com.

“Given a chance,” hindi aayawan ng dating dancer ang oportunidad, “Nakaka-split pa ako, nakaka-bridge pa ako [at] nakaka-high kick pa ako.”

Nagbabalik-showbiz si Samantha pagkatapos ng halos dalawang dekada kaya tatanggapin niya raw kung may offer, “I would love to, why not? Kaya lang, siyempre, iba na [ang panahon ngayon].”

Noong nakaraang taon, nag-guest si Gracia sa 38th anniversary celebration ng number one longest-running noontime show.