Pagbibidahan nina Alessandra de Rossi at Geoff Eigenmann ang istorya ng mag-asawang ibinahay ang kani-kanilang kabit sa iisang bubong sa 'Magpakailanman' ngayong Sabado, July 25.
Gagampanan ni Alessandra de Rossi ang role ni Monica, ang babaeng pumayag na ibahay ng kanyang asawa ang kabit niya.
Si Geoff Eigenmann ang magbibigay-buhay kay George, ang taksil na asawa ni Monica.
Masaya ang buhay pag-ibig nina George at Monica noon.
Sa katunayan nga ay mayroon na silang planong magpakasal.
Pero nang mangibang bansa si George, nakagawa siya ng isang kasalanan na puputol sa magandang relasyon nila ni Monica.
Naanakan ni George si Heidi na gagampanan ni LJ Reyes. Ibabahay ni George si Heidi kasama ni Monica dahil wala siyang matutuluyan.
Dahil dito, papatirahin din ni Monica ang kanyang kabit na si Rolly sa kanilang bahay bilang ganti sa kanyang asawa.