WATCH: Kyline Alcantara, gustong maka-duet si Julie Anne San Jose

Bukod sa pag-arte, nakikilala na rin ang Kambal, Karibal star na si Kyline Alcantara sa pagkanta.

Nag-viral ang kanyang cover ng hit song na "Perfect" ni Ed Sheeran at pumalo pa nang mahigit one million ang views nito sa Facebook page ng Kapuso Army.

Ayon sa report ni Cata Tibayan, pitong taong gulang pa lang si Kyline ay sumabak na ito sa pagtateatro kaya nahasa ang kanyang galing sa pagkanta.

Idol ni Kyline si Julie Anne San Jose kaya nais niya raw itong maka-duet, at gusto rin daw niya itong maka-showdown pagdating sa pagsasayaw. Saad niya, "gusto ko pong maranasan namin maging si Beyonce."