Nar Cabico, may payo para sa mga newbie singers

Sunod sunod ang swerte ngayon sa career ni Nar Cabico na kagagaling lang sa pagkapanalo sa 34th Philippine Movie Press Club (PMPC) Star Awards for Movies.

Aniya, “Just two days ago nanalo ako sa Star Awards, that was so fun as in high pa ako from that. Nasa taas pa ako kasi ang saya saya ko.”

Dagdag niya, “Then nag-record ako ng song for The One That Got Away na sinulat ko. Nararamdaman ko na bahay ko na ito, mag-iwan na ako ng toothbrush dito. I wouldn’t trade my life with anyone right now.”

Nagbalik tanaw din si Nar sa lahat ng kanyang pinagdaanan bago sumikat, at nagbigay rin ng payo para sa mga baguhang singers, “Totoo rin yung sinabi ni Dr. Mon Faustino na ang isang malaking panalo ay nabubuo ng maraming maliliit na pagkatalo.”

“Madaming beses naman na rin akong natalo in life. Ngayon, ang pinaka-lesson for me and for young singers, just keep thriving. Pagdaanan niyo lahat.”

“Kahit si Ate Regine, nung na-interview ko siya, naranasan niya rin na hindi natapos ‘yung airing niya, napatungan siya ng credits. Lahat talaga dumadaan sa ganoon. unti unti ko pa lang nararamdaman yung reward ng hard work ko.”

Nahanap na raw ni Nar ang kanyang passion sa buhay, ang pagkanta. “Ito talaga yung mahal kong gawin, singing, acting, telling stories through music.”