Rhian Ramos shoots action movie with Jolo Revilla and other Kapamilya actors

Gabi-gabing napapanood si Kapuso actress Rhian Ramos sa sexy romantic comedy series na The One That Got Away. 

Pero ngayon, susubukan naman niyang bumida sa isang action movie!

Ibinahagi ni Rhian sa kanyang Instagram account na kasalukuyan niyang ginagawa ang pelikulang 72 Hours. 

First time niyang gumawa ng isang rom-com sa TOTGA, kaya excited na naman siyang sumabak sa panibagong genre. 

"Shooting a new action movie for y'all to watch out for! So lucky to be having a go at so many different genres this year," sulat niya sa caption ng kanyang post. 

Makakasama niya dito si Cavite Vice Governor Jolo Revilla pati na ang mga Kapamilya actors na sina Albert Martinez, Arron Villaflor, Dominic Roque, Benj Manalo at Jay Gonzaga. 

Si Dondon Santos naman ang magsisilbing direktor ng pelikula.