READ: Lolit Solis, may komento tungkol sa pagpapakasal ni Joey de Leon

Matagal naging magkatrabaho sina Lolit Solis at Joey de Leon, kaya naman hindi maiiwasang magkomento ang batikang talk show host at talent manager sa pagpapakasal ng dabarkad sa kanyang longtime partner na si Eileen Macapagal.

#35YearsInTheMaking: The wedding of Joey De Leon and Eileen Macapagal

Pagpuna ni Lolit, matagal na raw dapat ikinasal ang dalawa ngunit sulit naman daw ang kanilang ginawang pagpapaliban.

Aniya, “Lagi kong sinasabi na ang ideal partner ay dapat tulad ni Eileen, for her to tame one 'wild' man like Joey, bongga di ba! Naging domesticated ang isang party animal, gusto nasa bahay na lang, nagpipinta, nagbabasa, that means very comfortable siya kung nasaan si Eileen. Enjoy sila doing things together, travelling, discovering new things, growing together, what more can you ask as a married couple?”

Hanga si Lolit kay Eileen kaya ibinida rin daw niya kay Pauleen Luna na maging katulad nito bilang isang maybahay.

“Hands on si Eileen sa mga anak, kaya di kataka-taka na mga college graduates ang mga ito, lumaking maipagmamalaki ng mga magulang nila. Sabi ko nga kay Pauleen Luna, pag ang asawa mo good provider, dapat nandun ka lagi para alagaan siya. Men like Joey de Leon and Vic Sotto, pagod sa trabaho, what they need are women who will take good care of them, iyon gusto nila pag-uwi nandiyan, kausap nila, kasalo sa pagkain. Of course they also give them space at things they can do para hindi ma-bore at mag-grow din, pero dapat priority ang pagiging wife and mother,” patuloy niya.

Ipinahayag din niya ang kanyang saya sa matagumpay na pagsasama nina Joey at Eileen.

Wika ni Lolit, “Bagay sila sa isa't isa, congrats Joey and Eileen, kayo na ang perfect example ng forever, love you.”