WATCH: Sino'ng Pinoy singer ang nakadiskubre kay Migo Adecer sa Australia?

Sa recent guesting ni Migo Adecer sa Tonight With Arnold Clavio, sumabak ang StarStruck alumnus sa "Bakit" challenge ng show.

Ikinuwento ni Migo sa segment na ito na nagtrabaho siya noong estudyante pa lamang siya dahil gusto niyang gamitin ang pera pambiling kanyang video games noon.

Bukod pa rito, ni-reveal din ni Migo na siya ay nadiskubre ng singer na si Kuh Ledesma sa Australia. 

Kuwento ni Migo, "She (Kuh) had a show sa Australia at actually the way it happened was I was performing for this ibang Filipino show. And then 'yung parang director ng show na 'yon, nag-ask sa 'kin kung gusto kong mag-perform [kasama ang] isang sikat na artista tsaka singer sa Pilipinas. And of course, nag-oo ako pero hindi ko alam na si  Kuh Ledesma pala 'yon. My mom and dad were freaking out. "

Dagdag niya, "I performed as her front act and bago kami nag-start ng show pagkatapos ng rehearsals, she called me sa room niya. Sabi niya, I'll be watching you sa performance mo at kung magaling ka, mag-iisip ako kung dadalhin kita sa Pilipinas."

Panoorin ang kabuuan ng Tonight With Arnold Clavio video.