JUST IN: Jasmine Curtis Smith, hiningi ang opinyon ni Anne Curtis sa desisyon niya sa paglipat sa Kapuso Network
Masaya ang pinakabagong Kapuso star na si Jasmine Curtis Smith sa pagpirma niya ng network contract sa GMA-7.
EXCLUSIVE: How Jasmine Curtis Smith was welcomed to the Kapuso Network
Ginanap ang contract signing ni Jasmine ngayong Martes ng hapon sa GMA Network Center. Spotted sa naturang event sina GMA Network Chairman and CEO Felipe L. Gozon, Senior Vice President of the Entertainment Content Group Lilybeth G. Rasonable, SVP for Alternative Productions Gigi Santiago-Lara at Vidanes Artist Management head by Betchay Vidanes.
Natanong ng GMANetwork.com si Jasmine sa interview niya with the GMA-7 media kung humingi ba siya ng advice sa kapatid niya na si Anne Curtis tungkol sa plano niya na paglipat sa Kapuso Network.
Matatandaan na bago maging Kapamilya si Anne ay napanood siya sa GMA-7 at gumawa ng ilang shows tulad na lang ng T.G.I.S at Nuts Entertainment.
Kuwento ni Jasmine, “Of course, of course. More than anything, siyempre siguro more than 20 years na si ate sa industry, so I had to asked for her opinion also, 'what do you think pag nag-pirma na ako, anong gagawin ko, paano ko aasikasuhin sarili ko' and everything else.”
“Ang sabi naman niya, 'This is an exciting time in your life.' And happy siya kasi nandito lang ako, isang tumbling lang. Maabot niya na ulit ako. So, masta-stalk niya na uli ako kung nasaan ako, ano ginagawa ko. Kung totoo bang nandito nga ako sa GMA.”
Very supportive din daw ang kaniyang ate at wala daw itong negative reaction sa pagiging Kapuso niya.
Wika niya, “So, happy lang siya kasi I’m back to work on TV and she can see naman that I’m looking forward to it.”
“Very supportive siya, wala naman bakit diyan ka or anything walang ganun. It’s more of 'Good for you, you're back to TV, and you're game to work.'”
Kinumpirma naman ng Kapuso lady executive Ms. Lilybeth Rasonable na may ilang concepts na silang piniresent kay Jasmine para sa mga possible projects niya in the future.
Sabi ni Lilybeth: “Actually we’ve met with her and presented to her some concepts, so we are talking so we will get that right project that will showcase her acting prowess and will announce it next time."