Miguel Tanfelix at Bianca Umali, may mensahe sa mga Kapuso supporters

Puno ng pasasalamat sina Miguel Tanfelix at Bianca Umali sa ginanap na Summer Saya Grand Fans Day ng Artist Center nitong May 19 sa Music Museum.

Ang performance ng BiGuel ay isa lamang sa mga kaabang abang na performances na inihanda ng mga Kapuso stars sa kanilang mga loyal fans. Para ipakita ang kanilang pasasalamat sa suportang kanilang natatanggap ay nagbigay ng mensahe sina Miguel at Bianca sa kanilang mga fans at iba pang tagahanga ng ibang artists ng Kapuso network.

Ani Miguel, "Sana nag-enjoy kayo sa buong maghapon na ito. Sana na-inspire kayo sa ipinakita namin... Thank you so much sa inyong lahat. Wala kami dito kung wala kayong lahat. Thank you guys!"

Nagpasalamat naman si Bianca sa walang sawang suporta ng kanilang fans sa kanilang tambalan at pati na rin sa kanilang programa na Kambal Karibal.

"Sa mga sumusuporta sa akin, at kay Miguel, sa aming dalawa, and of course sa Kambal Karibal, maraming maraming salamat po."