Inside Binoe’s trailer

A candid one-on-one with Robin Padilla is rare, especially with his incredibly hectic schedule. That’s why we felt really lucky when the ever-maginoo Binoe invited us to his trailer during a taping break from his hit action series. Once inside, we talked about the sacrifices he has made, the most memorable moment of his life, and what it takes to make him hot-tempered! Read up on our interview. Interviewed by Jillian Q. Gatcheco and Loretta G. Ramirez. Photos by Mitch S. Mauricio. What’s one moment in your life that you will never forget? Binoe: “Wag naman yung kulungan, ha! Noong pumunta ako sa Saudi Arabia. Unang beses kong nag-Hajji. Kasi doon ko lang naranasan mula 4 a.m. hanggang 10 a.m. ako umiiyak, [pero] hindi ko alam kung bakit. Nakataas lahat ng balahibo ko, [at] naramdaman kong tao ako. Ang tao, kailangan, bumabalik ka sa pinanggalingan mo, e.” What was the biggest thing you had to give up? Binoe: “Siguro yung aking personal life—my family, my wife. Kasi hindi na normal kaming mag-asawa. Abnormal kami. [Nandoon pa rin siya sa Australia]. Kasi noong ako’y nakalabas ng kulungan, nag-iba na ang panananaw ko sa pagiging artista. Napakalaki ng responsibilidad ko sa tao. Kaakibat noon, yung isakripisyo yung pamilya. Talagang malungkot.” Does your religion limit you in terms of what you could do as an actor? Binoe: “Pag dating sa trabaho, gagawin ko lahat. May mga pwedeng baliin, may mga hindi. Kasi katulad noong nag-naked ako [dito], bawal yun, pero kailangan sa storya, kaya pwede. Yung tato [naman], pwede naman i-drawing, e, di ba?” Is it true that they use a permanent marker for your tattoos in Carlo J. Caparas’s Joaquin Bordado? Binoe: “Masama ito, kaya kung napansin niyo, hindi na masyado kaming nagta-tato dahil cancerous. Kasi noong tato nang tato, lagi akong nahihilo. Ang ginawa ko, nag-research ako sa Internet. May namatay [pala] na Japanese actor dahil dito noong 1987—yung kasama ni Michael Douglas sa Black Rain. Kasi ang role niya, lagi siyang Yakuza. Noong 1987, bigla na lang siya nag-collapse. Hindi nila alam, akala nila, [alcoholism], yun pala puro lead yung kanyang liver!” “Buti na lang, mula noong [lagi akong nahihilo], pinalitan na ng Pilot [brand]—hindi na sila gumagamit ng lead, pero [may] alcohol [content] pa rin. Industrial alcohol [ito]. [Tapos] alcohol pa rin pagtanggal! Haha! Kaya masyadong toxic! Pero okay lang.” What can you say about young talents who want to enter the industry via reality shows like Pinoy Idol? Binoe: “Kailangan galing sa puso yung ginagawa nila. Hindi ako naniniwala sa talent na pinag-aaralan. Ang talent, hinahasa. Dapat mayroon ka noon. Dapat galing sa puso mo yun, at kahit kailan, ang dapat nasa puso ng isang artista o singer ay maging totoo siya sa ginagawa niya. At hindi dapat yung attitude na pag sumali ka doon, gusto mong sumikat. Mali yun. Sumali ka doon dahil gusto mong gawin yung ginagawa mo.” What makes your summer hot? Binoe: “E wala akong love life, e. Of course, ang magpapainit lang ng kahit ano ay pag-ibig. Wala ako noon! [Pero] makasama ko lang mga anak ko, ‘init’ na ng ulo ko yun! Kasi ang hirap ng mga dalaga! Wala pa namang manliligaw, pero yung mga kaartehan lang—sorry, ha! [Pero] hindi ko kinakaya! Pero syempre, natural yun. Yung mga pinabibili—‘Kailangan mo ba yan?!’ Yun yung mga nakakainit ng ulo, e! Pero okay lang.” What do you usually daydream about? Binoe: “General patronage ba ito? Hahaha! Okay, kasi may eskwelahan ako, e. Sa araw-araw na ginawa ng Diyos, mayroon kaming dala-dala na dalawampu’t-walong mga batang pinag-aaral namin.” “Kaakibat noon yung adhikain—mga Muslim yun, e. Lagi kong dinarasal at pinapangarap na isang araw, medyo magising-gising mga kapatid naming mga Muslim at maging prayoridad nila ang pagbabago.” “Hindi nawawala sa akin yun, sa araw-araw na ginawa ng Diyos. Wala akong pinapangarap kundi sana wala sila sa mga squatter area, sana mga anak nila nag-aaral, sana matigil na yung mga nagpa-pirate, sana wag na sila ma-involve sa drugs, sana matigil na gulo sa Mindanao, sana makabalik na sila sa mga lupa nila.” “Siguro nandoon na ako. Matanda na ako, e. Hindi na ako nangangarap lumipad. Sa Joaquin Bordado na lang yun. Hindi na ako nagde-daydream na para sa sarili lang. Wala na akong hahanapin pa.” What else can we look forward to in your career plans? Binoe: “Kasi kung mapapansin mo sa Joaquin, ang itinataas ko dito yung mabalik sa bawat Pilipino ang pagmamahal niya sa pamilya. Pero unti-unti, kasi huwag tayong mag-sermon. Kasi kung nagse-sermon ka, magagalit sa’yo ang tao. Daanin natin sa soap opera! Gustung-gusto ng tao yan, e. So dinadaan ko sa proyekto.” “Yung susunod ko na telebabad, sa mga bata naman yun. Value naman ng mga bata. Kasi pag nakakita ka ng bata ngayon, mga nagmumura! E bago nga ako naging sira-ulo, katorse na ako!” What’s your message for your supporters? Binoe: “Magmula po sa aming utility, sa aming dirtektor, editor, e taos-puso kaming nagpapasalamat dahil sa suporta nilang ibinigay. At yung mga kritiko, yung mga sumusulat sa Internet, humahataw ang magagandang sinasabi. Gasolina namin yun, e. Sana po huwag kayong magsawa dahil ipinapangako po nating lahat na hindi tayo titigil na magbigay ng tama at matinong produkto sa tumatangkilik sa amin. Kung hanggang saan po ang makakaya ng aming lakas, hirap, hangga’t umabot po sa buhay ay ibibigay namin, mapaligaya lang kayo.” Tune in to Carlo J. Caparas’s Joaquin Bordado, every weeknight after 24 Oras! Talk about Robin Padilla in the Joaquin Bordado iGMA Forum thread!