WATCH: Aiai Delas Alas, umaming matagal nang may psoriasis

Matagal na palang may dinadalang karamdaman si Kapuso actress and comedian Aiai Delas Alas.

Teenager pa lang kasi siya, mayroon na siyang skin condition na psoriasis. 

"Since 15 years old, meron ako niyan. And lahat ng medicine nagawa ko na. Lahat na-try ko na," kuwento niya. 

Nagdudulot ng mga mapulang mga patse sa balat na makati o mahapdi. Hindi nakakahawa ang sakit na ito pero posible itong mamana. Maaari rin itong dulot ng infection o stress.

Aminado si Aiai na minsan na itong nakaapekto sa kanyang trabaho. 

"Namomroblema ko 'pag kunyari kailangan tatalon ako sa swimming pool, kailangan naka bathing suit ako. Eh what if meron ako?" paliwanag niya.

Wala pang lunas para sa sakit na ito pero para labanan ang sakit, binago niya ang kanyang diet. 

Umiwas na siya sa pagkain na maraming carbohydrates at mas pinipili ang mga organic food. Dahil dito, dalawang taon na raw siyang hindi nakakaranas ng mga sintomas ng psoriasis.

"Since this is autoimmune na disease, dapat hindi ka nagkakasakit," aniya.

Panoorin ang buong interview sa kanya ni Nelson Canlas para sa 24 Oras Weekend.

Video courtesy of GMA News