Kris Bernal at Thea Tolentino, magiging matinding magkaribal sa 'The Betrayed Wife'

Tampok ang premiere Kapuso actresses na sina Kris Bernal at Thea Tolentino sa upcoming Kapuso series na The Betrayed Wife. Dito mapapanood sina Kris at Thea like never before.

Bibida si Kris bilang Rachel, isang hard-working na chef na guguho ang mundo nang mawalan ng asawa at anak. Makalipas ang ilang taon, may makikilala si Rachel na lalaking bubuhay muli ng kaniyang puso. Ngunit magugulat si Rachel nang malaman na may fiancée na ito sa pagkatao ni Thea bilang Catriona.

Si Catriona ang magiging matinding karibal ni Rachel sa pag-ibig. Lingid sa kaalaman ni Rachel, mayroon palang sikreto si Catriona na konektado rin sa kaniya.

Ano kaya ang magiging reaksyon nang lahat kapag nabunyag ang sinisikreto ni Catriona? Abangan ang The Betrayed Wife, soon on GMA.