EXCLUSIVE: David Licauco, flattered sa affection ng kaniyang gay fans

Hindi maipagkakaila na ang Kapuso hunk na si David Licauco ang isa sa mga hottest men in showbiz today.

Kaya naman nang makapanayam ng GMANetwork ang aktor ay inalam namin ang dahilan kung bakit nagpapaka-fit si David.

"Ever since I was in elementary and high school, I was playing basketball so when I got to college, I studied in La Salle, 'yung mga tao doon mahilig mag-gym. So na-hook ako doon. Pero right now na artista ako, you have to be more toned, less muscles," pagkuwento niya.

Dahil sa kaniyang matipunong pangangatawan at chinito good looks, nakaani si David ng maraming gay fans. Ano naman kaya ang reaction niya rito?

"Siyempre flattered ako, 'yung mga gays honestly, feeling ko ah, 'di sila nagwa-gwapuhan masyado sa kahit na sino lang. May taste sila. Ibig sabihin sobrang hot mo talaga o gwapo ka talaga. I feel thankful and flattered," sagot ni David.

Sa huli ay nag-iwan ng mensahe si David para sa kaniyang gay fans. "Just keep on supporting, I love your tweets. Nakakatuwa 'yung mga pino-post nila sa Twitter. Pero minsan may mga bastos but it doesn't really matter to me, hindi naman ako nababastusan."

Abangan si David araw-araw sa Kapag Nahati Ang Puso bago mag-Eat Bulaga.