Aiai Delas Alas at Regine Velasquez, pinatunayang hindi nagbago si Alden Richards

Sang-ayon sina Aiai Delas Alas at Regine Velasquez nang mapansin nila na kailanma'y hindi nagbago ang ugali ni Alden Richards sa kabila ng tinatamasa niyang kasikatan.

Parehong nagbalik-tanaw sina Aiai at Regine tungkol sa kabaitan ni Alden nang mag-guest sila sa 'Adrenaline Rush' concert nito.

Alden Richards celebrates back-to-back success of concert and album

Kuwento ni Aiai, “Naalala ko pa dati, guest ko pa 'to sa SM. Nag-show kami, hindi pa siya 'yung ganun, 'Alden Richards.' Parang konti pa lang pumapalakpak sa kanya. Tapos grabe nung sumikat na siya… hindi na ako sumasabay sa kanya sa eroplano kasi pinagkakaguluhan.”

Gayunpaman, dugtong din niya, “Sa crew, sa staff, sa kapwa niya mga artista, mabait siya talaga, sa inyo (fans). Natutuwa ako kasi ang bait-bait mo, hindi ka nagbabago."

Pinatunayan din ni Regine ang kabutihang-loob ng Pambansang Bae.

Aniya, “Nung time na 'yun sikat na po si Alden. Lalo pang sumikat but I just want to say he has never changed. He's the same the way I met him before, bago pa 'yung Carmela, bago pa 'yung AlDub. He was already like this and he's still like this so I'm so proud of you, sweetheart. Thank you for having me. Don't ever change 'coz you're such a wonderful person.”