Bukod sa pagiging isang veteran actor and host, kilala si German 'Kuya Germs' Moreno bilang isang star maker. Kilalanin ang mga artistang pinasikat ng nag-iisang Master Showman.
Ang isa sa mga primera kontrabida ng Pilipinas na si Gladys reyes ay nakigulo din sa That's Entertainment noon.
Sa That's Entertainment rin nagsimula ang isa mga magagaling na singers na nagtransition sa pag-arte sa mga pelikula at TV na si Vina Morales.
Matapos maging miyembro ng That's Entertainment, naging MTV VJ at chef ang mestiza beauty na si Donita Rose.
Naging bahagi rin ng programa ni Kuya Germs na That's Entertainment ang singing group na Triplets na binubuo nina Manilyn Reynes, Sheryl Cruz, at Tina Paner.
Bago pa siya naging boses ni Princess Jasmine at Mulan, nagpakitang gilas muna si Lea Salonga sa That's Entertainment.
Kasama sa Tuesday group ang singer-songwriter na si Janno Gibbs. Nakasama din niya sa That's Entertainment ang kanyang asawang si Bing Loyzaga.
Nagsimula ang showbiz career ni Billy Crawford sa That's Entertainment ni Kuya Germs. Naging international entertainer siya bago bumalik sa Pilipinas para ipagpatuloy ang kanyang career.
Laki rin sa gabay ng Master Showman si Ken Chan. Naging bahagi siya ng Walang Tulugan with the Master Showman. Masaya raw ang primetime actor ngayon na kahit papaano ay nasaksihan ni Kuya Germs ang kanyang unti-unting pagsikat.
Nang maging bahagi ng Walang Tulugan with the Master Showman, naging tatay ang turing ni Jak Roberto kay Kuya Germs. Hanggang ngayon ay baon niya ang mga natutunan sa kanyang ama sa showbiz bilang isang artista.
Si Kuya Germs ang nakadiskubre at naging daan para magsimula sa showbiz si Sanya Lopez na unang sumabak sa Walang Tulugan with the Master Showman. Kay Kuya Germs din daw humuhugot ng lakas ng loob ang aktres sa kanyang pagganap bilang si Danaya sa 'Encantadia.'
Sa Walang Tulugan with the Master Showman din nagsimula si Jake Vargas.