Lotlot de Leon shares experience during her visit at Saint Padre Pio's incorrupt heart relic in Batangas

Isa ang aktres na si Lotlot De Leon sa libu-libong deboto ni Saint Padre Pio, ang patron ng civil defense volunteers, adolescents, at stress-relief.

Kaya hindi niya pinaglagpas ang pagkakataong bisitahin ang incorrupt heart relic ng Franciscan priest na kasalukuyang nakalagak sa National Shrine of Saint Padre Pio sa Sto. Tomas, Batangas. Dinala ito sa bansa mula sa Italy noong October 5.

Ikinuwento ni Lotlot sa Instagram ang kanyang pagtunghay sa naturang sacred object sa kanyang Instagram post kanina, October 23.

Bahagi niya, "Yesterday, I had the honor of visiting the incorrupt heart relic of Padre Pio, in Sto. Tomas Batangas who is visiting from Italy.

“It was my first time to join or to be part of such event because I have always been "scared" to join such festivities kase pano kung may biglang gulo or may biglang takbuhan..."

"But the moment we set foot by the church I felt something different. Calmness. I was so happy to be there.

“Pumila kame for 3 hours and a half. Yes, mainit. Yes, puno. I saw all kinds of people, may mga lola at lolo, may mga nanay at tatay na bitbit ang mga anak, mga dalaga at binata, may mga may sakit na naka wheelchair.

"Everyone who were there, all our eyes were pointed at one direction. Waiting patiently to get our turn to see the relic upclose."

"Lahat na ng klase ng tao andun..."

Dagdag pa ni Lotlot, iba pa rin daw kapag personal kang nakiisa sa isang sagradong pagtitipon.

Paliwanag ng 47-year-old actress, "Yes, sanay ako makapanuod sa TV ng Fiesta sa Quiapo and I see the devotees na talagang gusto mahawakan ang Black Nazarene."

"Pero iba pala talaga when you are part of it.

“What I witnessed yesterday is a church filled with love, hope, prayers and faith.

"We were all one in believing in God."

Maaari pang bisitahin ang heart relic ni Saint Padre Pio sa National Shrine of Saint Padre Pio sa Sto. Tomas, Batangas hanggang Biyernes, October 26.

Magkakaroon ng 9 a.m. concelebrated mass para rito, kasunod ang farewell liturgy at motorcade patungong NAIA.

Bukod sa Sto. Tomas, Batangas, inilagak din ang heart relic ni Padre Pio sa Maynila, Cebu, Davao, at Lipa City sa Batangas.